“Sektori i Punëve të Brendshme Tetovë vazhdon me aktivitete të vazhdueshme për rend dhe siguri më të madhe në komunikacion në rajonin Tetovë-Gostivar. Dje (18 janar) nga ora 12:00 deri në orën 17:00 është kryer një aksion kontrollues, në të cilin janë zbuluar dhe sanksionuar 17 drejtues mjetesh për parakalime të paligjshme dhe të parregullta (TE-14 dhe GV-3). Për të gjithë shoferët kundërvajtës janë përgatitur parashtresat e parapara ligjore me gjoba në të holla, të cilat për këtë lloj kundërvajtje variojnë nga 45 deri në 300 euro në denarë, ndërsa ata që kanë tejkaluar kolonën, vijën e plotë apo para kryqëzimit do të përballen me masa mbrojtëse ndalesë të drejtimit të mjetit nga 3 deri në 12 muaj. Gjatë kontrollit janë konstatuar edhe 17 lloje të tjera të kundërvajtjeve në komunikacion (TE-16 dhe GV-1). SPB-Tetovë sërish apelon tek drejtuesit e mjeteve që t’i respektojnë rregullat dhe rregulloret ligjore në komunikacion, të mos dalin në rrugë me automjete me defekte teknike dhe pa pajisjet e nevojshme, sepse në këtë mënyrë vendosin sigurinë e tyre dhe të tjerëve përdoruesve të rrugës në rrezik.”
