Në një organizim nga Këshilli Organizativ për përgatitjen e librit dhe Bashkësia Lokale e fsh.Uzurmisht, u promovua libri “Sporti në Uzurmisht” Autor ; Xheladin Aliu.
Histori, ngjarje, fakte e fotografi të mbledhura të gjitha në një libër me persona që kanë vepruar ndër vite për fsh.Uzurmisht të Komunës së Zhelinës në Tetovë, do të jenë një pasuri me kujtime nga e kaluara dhe udhërëfim për gjeneratat e ardhshme të vendbanimit në fjalë.
Promovimi u bë në praninë e banorëve nga Uzurmishti dhe rrethina, me mysafirë special, legjendën e futbollit Tetovar dhe trajner të Shkëndijës së Tetovës ; Qatip Osmani, ndihmësin e tii Bashkim Livoreka, ish-futbollistin e trajnerin, Nexhbedin Sinanin, organizatorët u ndanë dhurata dhe mirënjohje për gjithë ish-futbollistët e fshatit, gjithashtu nuk u harruan mirënjohjet edhe për ekipet e fshatrave për rreth, që dikur ishin kundërshtar në terren, e miq jashta garës.
Xheladin Aliu shtoi ; ”Unë personalisht gjithmonë kam dashur të shkruaj për atë që kam dashur më së shumti në jetë, futbollin. Dëshiroj që zëri i kësaj gjenerate të degjohet kudo sepse kemi pasur një periudhë të artë të futbollit. ”
