Ish drejtori i burgut të Idrizovës, kuadër i Alternativës nga Negotina e Gostivarit, sot publikisht kalon në rradhët e Aleancës për Shqipëtarët. Rexhep Rexhepi, një
magjistër i psikologjisë, nga partija e tij e mëhershme gëzoi postin e drejtorit në shkollën e mesme “Negotina” – Negotinë, dhe gjithashtu u emrua edhe drejtor i burgut të Idrizovës në Shkup.
Sot me një postim dhe një foto nga selia e Aleacës për Shqiptarët në praninë e kryetarit të tanishëm të partisë Arben Taravari dhe ish kryetarit Ziadin Sela u promovua ky kalim me postimin:
“Mr. Rexhep Rexhepi, mirë se vjen në familjen e Aleancës për Shqiptarët
Një profesionist i dëshmuar, magjistër i psikologjisë, Rexhep Rexhepi, i bashkohet familjes së madhe të Aleancës për Shqiptarët.
Njerëzit e drejtë, të dëshmuar profesionalisht, me vizion dhe ideal për të ardhmen, bashkohen gjithmonë në një rrugë.
Aleanca për Shqiptarët mbetet vatra e vetme dhe e pastër për shqiptarët në Maqedoninë e Veriut.
Mirë se vjen Rexhep, e na priftë e mbara!”
