Argjentinasi Enzo Fernandez, njëherit fitues i Kupës së Botës- Katar 2022, është tranferimi më i shtrejtë i afatit të janarit por edhe më i shtrejti në Premier Ligën Angleze me një vlerë prej 121 milionë €. Tranferimi më i shtrejtë deri më tani ishte ai i Jack Grealish tek Manchester City për një shumë 115 milionë €.
22 vjeçari i transferua nga Benfika tek ekipi i Chelsea-s me një kontratë deri në verë të vitit 2031 dhe pritet që të jetë shtylla e mesfushës së ekipit për vitet në vazhdim.
Në një prononcim për faqen zyrtare të klubit u shpreh: ” Jam mirënjohës Chelseat-it dhe pronarit të klubit që bënë gjithçka që është e mundur për të më bërë pjesë të këtij projekti. Jam i lumtur dhe i emocionuar që i bashkohem Krenarisë së Londrës, për të luajtur në ligën më të mirë në botë dhe për të konkurruar për trofetë më të mëdhenj. Mezi pres të luaj para tifozëve tanë dhe të ndihmoj bashkëlojtarët e mi brenda dhe jashtë fushës”.
Me lëvizjet e fundit ekipi i Çelsit ka qenë më aktivi dhe pjesa në vazhdim e kapionatit anglez pritet të jetë tepër interesant.
