Programi “Big Brother VIP”, është rikthyer këtë të shtunë me sezonin e saj tretë, ndërsa 18 banorët e parë që iu bashkuan formatit, janë bërë tashmë kryefjala e rrjeteve sociale.
Megjithëse, vetëm 3 ditë që nga hyrja në “Big Brother”, banorët kanë nxituar të afirmojnë pozicionin e tyre në Shtëpi, duke nisur nga debatet, intrigat dhe aleancat.
Një studim përmes Metodologjisë së Terra synon të hedhë dritë mbi dinamikat e ndërveprimit të përdoruesve në profilin e Instagramit të “Big Brother Albania”, me qëllim zbulimin e nivelit të popullaritetit të secilit banor dhe identifikimin e modeleve ku angazhohet audienca në përmbajtjen e ofruar.
Përmes një metodologjie inovative, Terra ka analizuar numrin dhe natyrën e “reactions” të përdoruesve ndaj postimeve të ndryshme, me një fokus të veçantë në mënyrën sesi reagimet ndahen mes banorëve të shtëpisë kur përmenden në të njëjtin postim.
Gjithashtu banorët e “Big Brother Albania” janë vlerësuar sipas numrit mesatar të reagimeve për postim. Romeo ka qenë më i popularizuar, ndjekur nga Alfio, Elvisi, Roza, Egla, dhe të tjerët në radhë. “Kilo User per Post” është një tregues i cili tregon se sa reagime mesatare merr çdo banor për postim. Ky tregues ofron një vlerësim më të thellë të marrëdhënies ndërmjet ndjekësve dhe banorëve, duke zbuluar preferencat dhe angazhimin e tyre ndaj personaliteteve të ndryshme në “Big Brother Albania”.
