Sektori i Punëve të Brendshme-Tetovë apelon qytetarët
dhe ndërmarrjet përgjegjëse për ruajtjen e higjienës
publike në Tetovë, që plotësisht dhe pa kushte të
respektojnë Ligjin për pastërtinë publike dhe Ligjin për
siguri në komunikacionin rrugor. Qytetarët nuk duhet të
lënë mbeturina aty ku do të arrijnë jashtë kontejnerëve
dhe mjeteve të tjera për këtë qëllim, ndërsa ndërmarrjet
duhet të marrin rregullisht mbeturinat dhe të mos lejojnë
krijimin e grummbullim të mbeturinave të derdhura anë e
mbanë. Sepse shpeshherë grumbujt e mbeturinave apo
kontejnerët e vendosur në mënyrë jo të duhur pengojnë
lëvizjen normale dhe të sigurt të automjeteve dhe
këmbësorëve, sidomos në disa vende të ngushta dhe
shkaktojnë ndërprerje të qarkullimit. Këtë muaj, për
shembull, SPB- Tetovë ka përgatitur një parashtresë
përkatëse kundër NKP "Shar" nga Tetova në përputhje
me nenin 12 të Ligjit për siguri në komunikacionin rrugor
për mbeturinat e grumbulluara në zonat e
komunikacionit publik, të grumbulluara në korsitë e
rrugës. Parashtresa të tilla do të përgatiten edhe në
periudhën e ardhshme për të mundësuar qarkullim
normal të trafikut nëpër rrugët e qytetit dhe për të
kontribuar në sigurinë më të madhe të të gjithë
pjesmarrësve në komunikacion, veçanërisht të
këmbësorëve. Gjobat për mosrespektim të kësaj
dispozite ligjore variojnë nga 100 deri në 1000,
konkreisht deri në 10 mijë euro, varësisht nëse bëhet
fjalë për person fizik apo juridik dhe plus 500 euro për
personin përgjegjës të personit juridik.
