Zyrtarët policorë të Sektorit për Punë të Brendshme
Tetovë – Departamenti për Parandalim, Stacionit Policor
për Siguri në Komunikacion Tetovë dhe Departamentit
për Siguri në Komunikacionin Rrugor Gostivar, me rastin
e 8 Marsit – Ditës Ndërkombëtare të Gruas, sot (08-
Mars) realizuar disa aktivitete parandaluese në dy
qytetet e Pollogut. Në disa pika në zonat qendrore të
qytetit, u shpërndanë materiale edukative të synuara për
anëtarët e gjinisë më të butë, shoferët apo pasagjerët në
automjete, me këshilla konkrete praktike për të
respektuar gjithmonë dhe kudo rregullat dhe rregulloret
e qarkullimit rrugor, për të drejtuar me ndërgjegje,
përgjegjësi dhe me vetëbesim. Shoferet femra u
këshilluan dhe u uruan që të jenë maksimalisht të
përqendruara dhe të suksesshme në timon, si dhe në
nivel profesional, familjar e të tjera. Me ta u ndanë edhe
informacione për nevojën e përdorimit të detyrueshëm të
rripave të sigurimit, por edhe për mospërdorimin e
celularit gjatë drejtimit të automjetit, si dhe morën
këshilla të tjera të dobishme për sigurinë e tyre
personale dhe të përgjithshme të të gjithë pjesmarrësve
të trafikut. Qëllimi i aktiviteteve të sotme, të cilat
përkrahen edhe nga Ministria e Punëve të Brendshme,
Këshilli Republikan për Siguri në Komunikacionin Rrugor
dhe Fakulteti për Siguri-Shkup, është ngritja e vetëdijes
dhe kulturës së trafikut të grave që marrin pjesë në
komunikacion, me qëllim të rritjes së sigurisë rrugore në
rajon dhe më gjerë në vend.
